كتير مننا قابل
ناس مريضة بارانويا "paranoid" أو ما يُسمي بجنون العظمة
في الحالة دي
المريض بيكون عايش في دور " أنا الملك" أو إنه مفيش منه إتنين ، و بيقدر
ذاته كويس جداً و بيكون شايف إن أي حاجة وحشة بتحصله بتكون بسبب الحاقدين الكتير
المحيطين بيه، و دا بيكون إعتقاد غلط من جواه و ملوش أي علاقة بدينة أو خلفيته
الثقافية ولا حتي مستوي ذكائه ، لكنه ناتج عن قلة ثقته بنفسه أو إنه أتعرض
للاضطهاد و التحقير من الناس المحيطة بيه ، و كمان دا ممكن يكون شئ وراثي...
بارانويا
العظمة"Paranoia of greatness"
تعتبر بداية
لباقي أنواع البارانويا ، اتجسدت بارانويا العظمة في فيلم "the beautiful
mind" اللي فيه البطل كان بيمثل شخصية عالم الرياضيات الشهير "جون
ناش" اللي حصل علي جائزة نوبل عام 1994 و كان ليه كتير من النظريات الرياضية
العبقرية. الفيلم في البداية بيوضح حياة العالم ناش و الثورة اللي عملها في علم
الرياضيات ،و بعدين بتبدأ عنده الإصابة بجنون العظمة "paranoia" و
الفصام ،و بيفضل الموضوع يتطور معاه لبارانويا الاضطهاد "Paranoia
persecution" من الحكومة.
لكن الجدير
بالذكر إن "جون ناش" اتعالج في الخمسينات من عمره ، و هو اللي عالج نفسه
بنفسه بعد خروجه من المصحة و إعتقاد الأطباء المشرفين علي حالته بإنه مش هيتعافيٰ
أبداً.
جون ناش مش
المثال الوحيد لكن كمان " معمر القذافي" يعتبر من مرضي البارانويا و دا
اللي اثبتته الكاتبة " موريال ميراك" في كتابها "مهووسون بالسلطة..
تحليل نفسي لزعماء استهدفتهم ثورات ٢٠١١" و اللي قالت فيه إن الرئيس الليبي
السابق معمر القذافي مصاب بالنرجسية و جنون العظمة المفرط ، وإنه كان ليه طريقة
تفكير مختلفة بتخليه يعامل أعدائه بطريقة وحشية.
مريض البارانويا
مش سهل إنه يثق في غيره ، عشان كدة لو كنت من الأشخاص اللي قدروا ينالوا ثقته
فحاول تحافظ عليها كويس أوي و متخسرهاش عن طريق إنك تكذّبه أو تدخل معاه في صدام و
معارضة لكلامه، و تتعامل معاه بموضوعية بس متزودش أوي في تقديره و إحترامه لأنه
وقتها هيحس إنك بتخبي عليه حاجة و مش هيثق فيك ، و مهم جداً إنك تحاول ترجع ثقته
بنفسه تاني عن طريق إنك تخلق معاه كلام و
مواضيع بنّاءة تتميز بالمودة و الحب.
لازم اللي بيتعامل مع مريض البارانويا يبقا عارف إن دا مرض نفسي خطير جداً و إن المريض مش بيكون مقتنع غير بس باللي في دماغه عشان ،كدة لازم تتحلي بالصبر و يكون عندك ثقة في نفسك..
بس خلي بالك
لأحسن ثقتك تزيد عن حدها ، وبدل م يبقي مريض واحد يبقوا إتنين.
__________
كتبها : د/فاطمة جمال.